Kan Zoram Borual Tehnuai

Tunlai Mizoram boruak chu Nawrh leh district politics hlir a ni ringawt. Hahthlak tak a ni. Thil pawimawhah ofis dawr dawn ila, an la nuar tih ani zel a, chanchinbu chhuak apiang District demand committee a pian thu sawrkar an vauna hmuh tur a awm nitin a. Rev. Chuauthuama'n kan sawrkar hnathawkte nawrh kalphung tha a tih lohzia leh kristian mizia a nih loh zia a ziah kha ka pawm zawng tak a ni. Mipuite harsatna thlen zawnga thil nawr kan ching hi chu a pawi ngawt mai!!

Jayalalitha CM anih lai khan sawrkar hnathawk nawrh a khap hmiah mai a, mipui an lawm teh asin. Kan CM hi zawng a lo tithei viau mai. Hei nuar zawng zawng a ti lawmkim tep tawh a, pawl 5 vel chiah an la lungawi thei lova, district demand ho pawh engtintinemaw a tilawm leh mahna. Mahse, Mizoram dinhmun han thlir hi chuan kan moral a dik loh zia kan tarlang a, kan politics khelh dan tenawm tak a tilang ni bawkin ka hria.